- خيرك متكنطي يا راجل ؟
- اماليا شادين فيا يبوني نتزوج
- باهي وانت شن رايك ؟
- مش وقتها
- وامتة وقتها ؟
- مش توة
- امتة يعني ؟
- لما نحدد موقفي
- موقفك من شنو ؟
- من الحياة !
- باهي انت شن تبي بالزبط من الحياة ؟
- الوضع مش عاجبني , كل شي لازم يتغير
- وانت اللي بتغيره ؟
- ........
- باهي وشن دخل الزواج في التغيير اللي تبيه يصير ؟
- الزواج والمسئوليات والصغار بياخدو كل وقتي , واني مش فاضي
- علاش انت شن ادير بعد الخدمة ؟
- شي
- يعني فاضي باش تفتح حوش
- انت مش فاهم
- فهمني
- مانبيش نولي زيهم
- زي شكون ؟
- زيهم كلهم
- كيف زيهم ؟
- زيهم يعني راجل صاحب عيلة عنده طزينة صغار وكرشته قدامه وبدلة عربية وشبشب صبع ومروح القايلة شاد دلاعة في ايده بيفرح بيها الصغار ..
- عمي الحاج قصدك ؟
- ايه
- يا صاحبي كل اللي كان عندهم قضايا تزوجو و ربو صغارهم ومانسوش قضيتهم
- لازم الواحد يضحي
- معاك , لكن يضحي يولي عنده عيلة مقابل شنو ؟
- ........
- نعم ؟ ماسمعتكش ؟
- .......
واقع مؤلم مررت بأسئله مشابهه له وأختلفت إجاباتى وقتها ... بالنسبة لى كل شىء معلق الى حين انتهاء دراستى رغم كل الضغوط العائليه ...
ردحذفســـــلام
وجهة نظر
ردحذفالزواج امتداد لرحلة الحياةوالامل...وليس عنوان للفشل... الزواج وسيلة وليس غاية تتوقف عندها طموحاتنا في الحياة
ردحذفوالاكيد بأنه ليس شماعة نعلق عليها كل اسباب الفشل
الزواج هو المدخل الذي تلج منه لخضم الحياة
ردحذف